Cyhoeddwyd cadeiryddion Pwyllgorau’r Senedd sydd newydd ei ffurfio.
Wrth i’r Senedd gychwyn o ddifrif, mae ColegauCymru yn edrych ymlaen at weithio gyda’r holl bwyllgorau i sicrhau craffu cadarn ar Lywodraeth Cymru, deddfu effeithiol, a defnydd effeithlon o amser yr Aelodau, er budd dysgwyr addysg bellach yng Nghymru. Rydym yn croesawu pob aelod i'w rôl bwysig sydd wrth wraidd ein democratiaeth, ac yn benodol y cadeiryddion hynny y mae eu pwyllgorau yn adlewyrchu blaenoriaethau polisi uniongyrchol yr elusen.
Y Pwyllgor Plant, Pobl Ifanc ac Addysg
Cadeirir Y Pwyllgor Plant, Pobl Ifanc ac Addysg gan AS Llafur, Jayne Bryant.
Pwyllgor Iechyd a Gofal Cymdeithasol
Bydd Russell George, AS Ceidwadwyr Cymru, yn cadeirio'r Pwyllgor Iechyd a Gofal Cymdeithasol.
Pwyllgor yr Economi, Masnach a Materion Gwledig
Bydd y Pwyllgor Economi, Masnach a Materion Gwledig yn cael ei gadeirio gan AS Ceidwadwyr Cymru, Paul Davies.
Dywedodd Prif Weithredwr ColegauCymru Iestyn Davies,
“Rydym yn chwilio am gyfle cynnar i drafod blaenoriaethau pob Pwyllgor gyda’r Cadeirydd a’r staff ymchwil. Mae cyfraniad y Cynulliad ac yn fwy diweddar Pwyllgorau'r Senedd wedi cryfhau'r broses ddeddfwriaethol, wedi sicrhau bod y llais democrataidd yn cael ei adlewyrchu mewn dadleuon ac ymholiadau a bod y Llywodraeth a chyrff cyhoeddus yn cael eu dwyn i gyfrif.”
Gwybodaeth Bellach
Newyddion Senedd Cymru
Dwyn Llywodraeth Cymru i Gyfrif: Cadeiryddion Pwyllgorau’r Senedd wedi'u hethol
29 Mehefin 2021
Llun gan Julian Nyča / CC BY-SA
