Mae ColegauCymru yn gweithio gyda Llywodraeth Cymru i sicrhau aliniad parhaus rhwng FfCCh a'r fframweithiau cymhwyster eraill yn y DU ac yn rhyngwladol. Rydym hefyd yn darparu mewnbwn a chyngor arbenigol i Grŵp Cynghori FfCChC ar fframweithiau cymhwyster a gweithgarwch cysylltiedig megis Cydnabod Dysgu Blaenorol (RPL) a dilysu dysgu anffurfiol a dysgu heb fod yn ffurfiol (VIFNFL).
Arweiniodd ColegauCymru y gwaith o gyfeirio FfCChC at y Fframwaith Cymwysterau Ewropeaidd (EQF) ac mae’n cadw llygad ar ddull y DU o gyfeirio’n rhyngwladol yn y dyfodol nawr bod y DU wedi gadael yr Undeb Ewropeaidd.
Mae ColegauCymru yn mynychu cyfarfod blynyddol y Pum Gwlad (Cymru, Lloegr, yr Alban, Gogledd Iwerddon a Gweriniaeth Iwerddon) i roi a derbyn diweddariadau ar gymwysterau a fframweithiau.
Mae ColegauCymru wedi cynhyrchu adroddiadau ar y canlynol:
- y defnydd o RPL gyda mudwyr gorfodol
- dadansoddiad o farn rhanddeiliaid am FfCChC
- ymatebion i argymhellion adolygiad 2014
Mae ymchwil wedi’i wneud ond heb ei gyhoeddi i nodi:
- sut mae FfCChC yn ymateb i Gynllun Gweithredu Cydraddoldeb Hiliol
- y cyfraniad y gall FfCChC ei wneud i gefnogi agenda Sero Net Cymru
Gwybodaeth Bellach
Adrian Sheehan a Phil Whitney yw'r prif gysylltiadau ar gyfer FfCChC mewn colegau addysg bellach yng Nghymru.
Adrian.Sheehan@ColegauCymru.ac.uk
Phil.Whitney@ColegauCymru.ac.uk
Tudalennau Cysylltiedig
