Mae ColegauCymru’n cynnal prosiect sy’n cael ei ariannu gan Lywodraeth Cymru er mwyn cynorthwyo colegau wrth iddynt rhoi’r Ddeddf Anghenion Dysgu Ychwanegol a'r Tribiwnlys Addysg ar waith.
Prosiect yw hwn sy’n rhan o’r Gronfa Trawsnewid Anghenion Dysgu Ychwanegol. Y nod yw cyflogi Arweinyddion Trawsnewid Anghenion Dysgu Ychwanegol i fod yn gyfrifol am y canlynol:
- Rhoi cefnogaeth a her i golegau wrth iddynt baratoi ar gyfer gweithredu ALNET
- Gweithio’n agos gyda’r pedwar Arweinydd Trawsnewid rhanbarthol (sy'n cynorthwyo’r awdurdodau lleol, yr ysgolion a’r colegau yn eu rhanbarth) i sicrhau dull cydlynol o drawsnewid pethau
- Hyrwyddo partneriaethau effeithiol rhwng colegau, awdurdodau lleol, ysgolion, byrddau iechyd a’r trydydd sector
- Creu cyswllt rhwng colegau a thîm Anghenion Dysgu Ychwanegol a Thribiwnlys Addysg Llywodraeth Cymru
- Cynorthwyo gyda strategaeth gyfathrebu Llywodraeth Cymru er mwyn sicrhau bod yr holl randdeiliaid yn deall goblygiadau’r Ddeddf ac yn gallu cyfrannu at y broses o’i rhoi ar waith.
Bydd y prosiect hefyd yn ariannu nifer bychan o ddigwyddiadau rhanbarthol a chenedlaethol er mwyn ceisio sicrhau cynnydd cyson.
Gwybodaeth Bellach
Chris Denham, Arweinydd Trawsnewid Anghenion Addysg Ychwanegol (Addysg Bellach)
Chris.Denham@ColegauCymru.ac.uk
