Mae Rheolwr Prosiect Rhyngwladol ColegauCymru Siân Holleran yn ateb rhai cwestiynau allweddol mewn perthynas â'r Strategaeth newydd.
Pam datblygu Strategaeth Rhyngwladoli ar gyfer y sector addysg bellach yng Nghymru?
Comisiynodd ColegauCymru adroddiad ymchwil yn 2020 o’r enw Rhyngwladoli yn y sector addysg bellach yng Nghymru. Un o argymhellion allweddol yr adroddiad oedd datblygu gweledigaeth strategol ar gyfer y sector a fyddai’n codi dyheadau dysgwyr ac yn ehangu eu gorwelion, yn llywio arfer proffesiynol ac yn gwella’r ddarpariaeth yn ogystal â chodi proffil gwaith rhyngwladol yn y sector addysg bellach.
Beth yw’r blaenoriaethau strategol allweddol?
Mae gan y Strategaeth bedair blaenoriaeth allweddol:
- Profiadau byd-eang ysbrydoledig i staff a dysgwyr Defnyddio Taith a chyllid rhaglennu symudedd arall i hwyluso cyfleoedd tramor cyffrous
- Arweinyddiaeth, addysgu a dysgu Archwilio sut i ymgorffori profiadau rhyngwladol yn y cwricwlwm addysg bellach
- Partneriaethau pwrpasol a hyrwyddo Cymru Datblygu partneriaethau yng Nghymru a thramor i gynyddu ymgysylltiad rhyngwladol y sector
- Datblygu busnes rhyngwladol Anelu at feithrin gallu o fewn y sector i fanteisio ar gyfleoedd masnachol rhyngwladol
Sut y byddwch yn monitro gweithrediad y Strategaeth?
Fe wnaethom sefydlu Grŵp Rhyngwladol Strategol yn 2021 gyda chynrychiolwyr o bob coleg addysg bellach ledled Cymru. Datblygodd y Grŵp hwn y Strategaeth Ryngwladoli ac ar hyn o bryd mae'n gweithio ar gynllun gweithredu ar gyfer y tymor byr, canolig a hir. Bydd y cynllun hwn hefyd yn disgrifio ein mesurau llwyddiant.
Beth fydd y manteision i ddysgwyr a staff?
Ein nod fydd darparu mynediad cyfartal i gyfleoedd tramor i bob dysgwr a staff addysg bellach. I ddysgwyr, bydd profiadau tramor yn ehangu eu gorwelion ac yn codi eu dyheadau gan wneud cyfraniad cadarnhaol at eu cynnydd trwy addysg ac ymlaen i gyflogaeth yn y dyfodol. Bydd staff addysg bellach yn cael cyfleoedd i rannu arfer gorau gyda chydweithwyr dramor, cymryd rhan mewn hyfforddiant neu gysgodi swyddi ar draws y byd yn ogystal â rhannu’r gwersi a ddysgwyd gyda’u sefydliadau yng Nghymru.
5. Sut gall colegau addysg bellach gymryd rhan yn y cyfleoedd hyn?
Cynrychiolir pob coleg ar y Grŵp Rhyngwladol a rhennir cyfleoedd i gymryd rhan mewn cyfleoedd tramor yn rheolaidd. Fel arall, cysylltwch â Siân Holleran neu Vicky Thomas am ragor o wybodaeth.
Gwybodaeth Bellach
Stratagaeth Rhyngwladoli ColegauCymru i ehangu gorwelion addysgu a dysgu mewn addysg bellach
26 Medi 2022
Strategaeth Rhynwladoli ColegauCymru
Medi 2022
