Rydym yn falch o rannu stori enillydd Gwobr Ysbrydoli! Newid Bywyd, Fred Murad, sydd wedi trawsnewid ei fywyd, ei yrfa a’i ddyfodol drwy ei ymrwymiad i ddysgu, yn dilyn trasiedi bersonol.
.jpg)
Yn dilyn marwolaeth ei wraig Claire yn 2021, ffeindiodd Fred ei hun yn llywio bywyd fel rhiant sengl i ddau blentyn ifanc. Yn benderfynol o gefnogi ei deulu a chreu cyfleoedd newydd ar gyfer y dyfodol, penderfynodd ddychwelyd i ddysgu.
Dechreuodd y cyfan gyda chwrs dysgu teuluol drwy Springboard yn ysgol ei blant. Yn fuan iawn, fe daniodd hynny angerdd dros addysg a aeth ymlaen i drawsnewid cwrs ei fywyd.
Ers hynny, mae Fred wedi cwblhau ystod eang o gyrsiau, gan adeiladu sgiliau mewn llythrennedd, rhifedd, dysgu digidol a weldio. Ar hyd y ffordd, darganfu hyder ac uchelgais o'r newydd, yn ogystal ag awydd i barhau i ddysgu a symud ymlaen.
Heddiw, mae Fred yn astudio ar gyfer Gradd Sylfaen mewn Addysg Gynhwysol tra hefyd yn gweithio tuag at gymhwyster addysgu yng Ngholeg Sir Benfro. Mae ei daith ddysgu hefyd wedi arwain at newid gyrfa, gan symud o reolaeth lletygarwch i addysg, lle mae bellach yn gweithio fel tiwtor weldio.
Wedi'i ysbrydoli gan y gefnogaeth a gafodd a'r cyfleoedd mae dysgu wedi'u creu iddo, mae Fred yn gobeithio dod yn ddarlithydd ac annog eraill i gredu yn eu potensial eu hunain.
Wrth fyfyrio ar ei wobr, dywedodd Fred:
"Mae ennill yn swreal. Agorodd dysgu drysau i mi ar adeg pan oedd angen cefnogaeth arnaf fwyaf. Mae pob cam rydw i wedi'i gymryd wedi fy helpu i adeiladu dyfodol gwell i mi fy hun a fy mhlant."
Mae stori Fred yn atgoffa pwerus y gall dysgu helpu pobl i ailadeiladu hyder, datblygu sgiliau newydd a thrawsnewid eu bywydau, pa bynnag gam maen nhw ynddo.
Mwy o wybodaeth
Mae'r Gwobrau Ysbrydoli! Dysgu Oedolion yn tynnu sylw at yr effaith ryfeddol mae dysgu yn cael ar unigolion, teuluoedd a chymunedau ledled Cymru. Os mae stori Fred wedi eich ysbrydoli i gymryd y cam nesaf yn eich taith ddysgu eich hun, darganfyddwch fwy am y gwobrau a'r cyfleoedd i ddysgu drwy Wythnos Addysg Oedolion Cymru.
