Mae ColegauCymru yn falch iawn o lansio ymchwil newydd sy’n amlygu gwerth cymdeithasol colegau addysg bellach yng Nghymru.
Mae’r ymchwil yn canolbwyntio ar archwilio gwerth cymdeithasol o fewn y sector Addysg Bellach (AB) yng Nghymru, pwnc sydd heb ei archwilio i raddau helaeth hyd yn hyn. Mae’n ymchwilio i ddeall sut mae sefydliadau AB yng Nghymru yn cyfrannu at les cymdeithasol y tu hwnt i’w rolau addysgol traddodiadol. Trwy archwilio sbardunau strategol, cynnal cyfweliadau, ac adolygu llenyddiaeth sy’n bodoli, nod yr astudiaeth yw taflu goleuni ar y ffyrdd amlochrog y mae sefydliadau AB yn cynhyrchu gwerth cymdeithasol. Mae gwerth cymdeithasol, fel y’i deellir yng nghyd-destun yr ymchwil hwn, yn cwmpasu’r effeithiau cadarnhaol ehangach y mae sefydliadau AB yn eu cael ar unigolion, cymunedau, a chymdeithas yn gyffredinol.
Nod yr ymchwil yw tynnu sylw at y cysylltiad cynhenid rhwng sefydliadau AB a llesiant cymdeithasol, gan amlygu rôl y sector fel catalydd ar gyfer newid cadarnhaol yng Nghymru. Trwy archwiliad manwl o werth cymdeithasol, mae’r astudiaeth yn ceisio darparu camau y gellir eu gweithredu a allai lywio penderfyniadau strategol a gwella effeithiolrwydd cyffredinol sefydliadau AB wrth gyfrannu at wella cymdeithas.
Gwybodaeth Bellach
Adroddiad Ymchwil ColegauCymru
Dangos Gwerth Colegau Addysg Bellach yng Nghymru
Ebrill 2024
Rachel Cable, Cyfarwyddwr Polisi a Materion Cyhoeddus
Rachel.Cable@ColegauCymru.ac.uk
