Mae colegau addysg bellach heddiw yn llongyfarch dysgwyr ledled Cymru wrth iddynt dderbyn eu canlyniadau TGAU a chymwysterau galwedigaethol.
Dywedodd Cadeirydd ColegauCymru Guy Lacey,
“Llongyfarchiadau i bob dysgwr wrth iddynt dderbyn eu canlyniadau yn dilyn dwy flynedd heriol. Rydym hefyd yn anfon ein diolch diffuant at ein cydweithwyr addysg, a rhieni a gofalwyr fel ei gilydd sydd wedi cefnogi pobl ifanc wrth iddynt lywio’r cyfnod anodd hwn.”
Mae ein colegau yma unwaith eto i gefnogi pobl ifanc i gymryd eu camau nesaf yn eu taith ddysgu. Mae colegau addysg bellach mewn sefyllfa ddelfrydol i allu bodloni ystod eang o anghenion, gan ganiatáu iddynt gefnogi pob math o ddysgwyr i gyflawni eu llawn botensial. Waeth beth fo’r canlyniadau a gânt heddiw, bydd gan ddysgwyr yr opsiynau gorau sydd ar gael iddynt ac fe’u hanogir i gysylltu â’u coleg lleol i gael gwybod mwy.
Gwybodaeth Bellach
Datganiad i'r Wasg Llywodraeth Cymru
Y Gweinidog Addysg yn llongyfarch myfyrwyr TGAU ar eu canlyniadau
25 Awst 2022
Cysylltwch â'ch coleg lleol am gymorth ac arweiniad.
Aelodau ColegauCymru
